حكاية ثلاثين يونيه

حكاية 30 يونيه

كنت و كنا خمسه يونيه,, في سنه سبعه و ستين ..

والأخوان في جحورهم خرفان, وبفرحهم مسجونين..

وإحنا شربنا الهم ,, وبأيدينا علي رأسنا مسحنا الطين..

و الراجل فضل راجل ,,وشال نفسه في عز الغيمة وأتنحى..

ومرارة النكسة شدت علي اللسان,, و من الشدة قال أحا..

أرضنا ,,نيلنا ,,هرمنا ما يموتوا ,,وأنا أحيا..

شربنا مررنا بحرارة,, ورفعنا رئيسنا فوق رأسنا..

وأكلنا عيشنا بالمسامير ,,ووقفنا ساعات في الطوابير..

لأجل مصر تقوم وتنهض,, تهزم و تسحق الخنازير..

و مات البطل ,,وإحنا بحزننا ,, بجرحنا و جرح السنين..

وأنتم يا أخوان بجماعتكم ,, هل إحنا كفره وأنتم مسلمين ؟

متنا مره في يونيه ,,ومره فراق الزعيم,, وأنتم مبسوطين !!

في أكتوبر ربطنا جراحنا ,,و قمنا شرحنا  الصهاينة و الخنازير..

وانتم يا أخوان لسه تحت الأرض ,,مرتاحين جوه في المجار ير..

وراح يونيه مع أكتوبر,, مره ورا مره ,,ومرات كثير..

وظهرت شمس في يناير,, نورت مصر وميدان التحرير..

شباب حر رفعوا رأسنا ,, وكأنهم أرواح شهداء تشرين..

وخستكم أخرتكم ,, و تسلقتم,, وإحنا فيكم مخدوعين..

وقلنا عفي الحر علي الماضي,, و الحاضر يرسمه الفنانين..

شباب واعي من عالم خيالي,, حولوا الحلم لثورة مصريين..

وظهروا إخوان لينا,,ذئابا في جلود خرفانا شياطين..

سرقوا ثورة نورت قلوبنا,, ورجعونا ثاني لخمسه يونيه..

تجارة بالدين,كذب,نفاق,, وإحنا في دنيا وانتوا في دنيا ثانيه..

شعب صحي بشهادته خالد,,ومات معاه سعيد كل ثانيه..

وتلف الدنيا وتدور,, و نفس طعم مراره خمسه يونيه..

والفرق بين خمسه ويوم ثلاثين ,,

لو بتفكر وتحسبها تلاقيها خمسه وعشرين..

ويوم ثلاثين في السما عالي,, وفي قلوبنا خمسه وعشرين..

شربنا كأس المرار في يوم خمسه ,, وحلاوة الفرحة يوم ثلاثين..

حكينا لشبابنا عن يوم خمسه ,, عملنا بهجة يوم ثلاثين..

لا أخوان ولا خرفان ولا فلول و لا نفاق السياسيين..

وشباب مصر بمرارة يوم خمسه,, يطلعها عليكم يوم ثلاثين..

وطول ما فيه دم في عروقي ,, مصر دايما فوق الجبين..

وسلامتكم .. " عايز أفهم"